Conversations With Taxis

I thought I'd share a few conversations I've had with strange taxi drivers. If you've been following with me, I first identified them as a different species, guided you all as to how to ride with them, and finally told you why to boycott them.

Here is my fourth take on the never ending story, my conversations with taxi drivers. Take these as case studies, so you are fully prepared to encounter a taxi driver one day or another. Remember the conversation will start with the taxi driver talking then me, so you don't get mixed up which ones which.

(By the way, this post may look very long but that's because it has many line breaks, it should only take about two minutes to read through. Enjoy!)

* * *

وين رايح يا شب؟
على المدينة الرياضية
إبعيد إكثير المدينة الرياضية
منشان هيك أنا إركبت معاك
لا بس هي مش على طريقي
طب أنا دافعلك يا أخوي
طيب إركب خلصني

* * *

ما بقدر أوصلك لازم أصلي
نعم؟
لازم أصلي الظهر
الصلاة خلصت، أقاموها قبل عشر دقائق
طيب أنا بدي أصلي لحالي
إذا ما بدك إتوصلني ما تقولي بدي أصلي قول ما بدي أوصلك
طيب إذا هيك ما بدي أوصلك
شكرا يا أخوي و مع السلامة

* * *

يمين ولا إشمال؟
يمين لو سمحت
ليش يمين يعني؟
منشان من أهناك بيتي
طب ليش مش إشمال؟
خلص على راحتك ما دام الحساب عليك
يا زلمة كنت بمزح معاك رح إنروح يمين

* * *

إبتعرف شو صار إمبارح؟
إيش صار إمبارح
عبد الله رجع من العمرة
مين عبد الله؟
عبد الله، ما إبتعرفوا؟
قصدك الملك عبد الله؟
اه، الملك.. وين قلتلي رايح إنت؟

* * *

متذكر قصة تفجيرات عمان؟
نعم
أنا أظن بعرف مين وراها
نعم
الشيعة بالعراق
نعم
هم بكرهونا و كانوا من زمان بدهم يقتلونا
نعم
و كمان دينهم بأمرهم أنهم يقتلونا قبل الأمريكان
نعم
ليش كل إشي بحكي، بترد علي بنعم؟
نعم
طيب خلص رح أسكت

* * *

أحكيلك نكتة
لا شكرا شبعان من الدبشات
لا مش دبشة نكتة حلوه
طيب ما بدي أسمعها
ليش يا أخوي زعلان مني
ما بعرف
الله يسامحك أنا قصرت معاك
الله يسامح الجميع

* * *

أنا عندي شرط واحد لكل واحد بركب معاي
شو هاذا الشرط
إذا وقفتني أي بنت لازم تنزل و أركبها
ها ها، ما أزقعك
طب أنت إبترجع وره وهي إبتركب قدام
كمان؟
شرط بسيط جدا يا أخوي
طب إمشي، الله يهديك

* * *

شايف كل الأزمة الإقتصادية، أنا بحلها بسهولة
جميل
بس هم بعينوني مدير بنك، و أنا عندي الخبرة لحل كل المشاكل
(بعد مرور عشرون دقيقة) نعم
طيب إيش رأيك أنت؟
رأي بإيش؟
اللي كنت بحكي قبل إشوي
ما كنت إمركز معاك ولله

* * *

أحسابك يأخوي دينار و نصف
(بعطي دينارين) إتفضل
ما معاي نص دينار والله
(طبعا إبن الحرام معاه كنوز فرعون بس هو نصاب كذاب) نعم؟
لازم إتسامحني يا أخوي
طيب هات الدينارين و بروح بدورلك على إفراطة
لا إستنا... يا سبحان الله، طلع معاي نص دينار بجيبتي
يا سبحان الله

* * *

يا أخوي الكريم، التدخين حرام شرعا
(ترجمة: كلام كبير من سعادة أكبر منافق بالعالم) طب أنا ما بدخن
طيب أنا بنصحك لوجه الله تعالى
(ترجمة: الأخ منافق، لحية مش مقصوصة منشان الشفرة ضايعة) طيب شكرا على النصيحة
أهلا و سهلا يا أخوي الكريم

* * *